Маған еш қосымшасыз оның қарапайым түрі ұнайды. А, сосын – ерітілген ірімшікті дұрыс алмаппын. Ірімшіктің кілегей сияқтысны жақсы. Сонымен, шағын ғана өзгерістерім тысында рецепт төмендегідей:
Алдыменен печеньені пакетке қойып, оқтаумен ұнтақтаңыз. Блендерге қойып үгітсеңіз да болады. Енді печеньеге еріген май қосыңыз.
Май мен печеньені жақсылап араластырыңыз. Енді шыққан қоспаны үсті алмалы формаға қойып, тығыздаңыз. Форманы тоңазытқыщқа қойыңыз.
Бөлек ыдыста ерітілген ірімшік, сүзбе мен 10 ас қасық қантты миксерлеңіз. Қант ыдыстың түбінде қалмай толығымен еруі керек.
Енді кезек кезегімен жұмыртқаларды қосыңыз. Әр жұмыртқадан кейін миксердің орта жылдамдығымен араластыруды ұмытпаңыз.
200 гр қаймақ қосып, араластырыңыз. Бұл жолы ұзақ араластырудың қажеті жоқ. 1-2 минут қана қасықпен араластырсаңыз жетеді.
Печенье қоспаның үстіне сүзбе қоспасын төгіп салыңыз. Алдын ала қыздырылған духовкада 60-70 минуттай пісіріңіз.
Менікі 60 минутта пісті. Духовкадан шығарып суытыңыз. Суыған чизкейктің үстін жауып, 4-5 сағатқа тоңазытқышқа қойыңыз. Содан кейін ғана формадан шығарып, сервис жасаңыз. Ас болсын!
